Moj profil

Mramorni kuglof

60 minuta
55

Pred čuda, čuda let moja j nona ovu ricetu zapisala va svoju tekicu. Delala ga j puno puti, tuliko da se od maćic na karte komać videlo ča piše. Imeli smo ga rada. Pasalo j puno let otkako san i ja prepisala tu ricetu ž njeje va svoju tekicu. I delala san ga puno puti. Tuliko da se od maćic na karte komać vidi ča piše...

Pred čuda, čuda let moja j nona ovu ricetu zapisala va svoju tekicu. Delala ga j puno puti, tuliko da se od maćic na karte komać videlo ča piše. Imeli smo ga rada. Pasalo j puno let otkako san i ja prepisala tu ricetu ž njeje va svoju tekicu. I delala san ga puno puti. Tuliko da se od maćic na karte komać vidi ča piše...

Sastojci

za
Za kuglof
1/4 litre cukara
1 žlica cukara z vaniljun
7 žlic masti
1/8 litre mleka
1/2 litre muke
1 žlica šode
1 lemuncin al naranča
2 rebra cikulade
1 žlica ruma
Za prelet
2 rebra cikulade
1 žlica cukara
1/2 deca mleka
3 žlice putra

Priprema

Se mere su po starinski merene, va litre i žlice (oniste za juhu)
1.

Kalup za kuglof pomažite z mastun i poprhajte z mukun. Se ča j previše stresite vanka.

Peknjicu stavite teplit na 200 stupnji.

2.

Najprvo van rabi muku proset da bu lahka i brez grudvic. Zajeno va nju zmešajte i šodu.

Žutnjaki i belnjaki stavite posebe, sako va svoju padelu.

Koricu od lemuncina al naranče zribajte i ocedite pol soka.

Na banjomariju stopite cikuladu za kuglof i držite ju mjačnu.

Belnjaki dobro stucite va sneg.

3.

Žutnjaki, cukar i cukar z vaniljun dobro mešajte da pobeleje, pa ze sen ten zmešajte i mast. Na kraju dolejte i mleko.

4.

Malo pomalo tresite nutra muku, smiron mešajuć da se ne delaju grudvice.

5.

Razdelite testo napol va dve padelice. Va jedno dodajte zribanu koricu i sok, a va drugo stopjenu mjačnu cikuladu i rum. Saku polovicu dobro zmešajte pa njin dodajte i sakoj po pol stučenih belnjaki. Sad pomalo mešajte žlicun da se belnjaki ne spušu posvema.

6.

Va kalup zlevajte malo jednega, pa malo drugega testa. Poten zamite tanki nož pa šarajte po testu neka se na lahko zmešaju kolori. Tako će kuglof doć lepo šarasti.

Stavite kuglof peć va vrelu peknjicu 40-45 minuti.

7.

Dok se kuglof peče, na banjomarije stopite mleko, cukar, putar i cikuladu da bu glazura luštra. Neka se zmjači.

Kad je kuglof gotov, znamite ga na rešetku i odzgora ga pomalo prelevajte žlicun i mažite tako da glazura pada i va škuju i zvani.

Kad se malo prohladi, stavite gotov kuglof na pijat.

Posluživanje

Kuglof morete jist i mjačni i posvema mrzli, z kafon, z mlekon, al po gospocki z čajon. Lepo ga j videt na blagdansken stole, ma i po obične nedeje.

  • Kuglof(6)
  • Mramorni-kuglof(2)
  • Po-domacu(1)
  • Kuglof-mramorni(1)
  • Biskvitni kolači(1)
  • Nonin-recept(1)
  • Kolac-kugof-mramorni(1)

16

7 žlica, jušnih masti je jako puno...ako se ne radi o masti u tekućem stanju ???

Cukarin, ne znam! uvijek radim isključivo BEZ VAGE ovaj recept! sve na žlice i litre!

E to je pravi kuglof,hvala za recept👏

Kako je tebi ispao recept?

Poslikaj i pohvali se! :)