Neki me je dan baš razveselila vest koju sam pročital v našem Glasu Podavine i Prigorja i na podravaskim portalima. Lepa vest koja bi trebala biti početak jedne prelepe tradicije koja se morala dogoditi več odavno. Radi se naime o novoj turističkoj inicijativi TZ grada Koprivnice i Udruge vinogradara Fran Galović. Imamo mi i Gimnaziju Fran Galović, Knjižnicu Fran Galović imam i dane Franove poezije al ovi naši bregi moraju imati tak nekaj gde bi se pokazala sva raskoš podravske gastronomije i dobre kapljice. Organizatori su to nazvali „Dan otvorenih vrata kleti-Galovićevim stezama“. Jako mi je drago kaj se z tim počelo al nek mi organizatori ne zamere: ovaj je naslov predugački a otvorena vrata imaju kojekakve firme koje prodaju prodaju kojekaj. Takav događaj mora imati nekaj originalno v duhu galovićevoga vremena i njegve vječite poezije.
Naš vječiti Fran
Čez ovih desetak i nekaj let na mojem blogu sam več nekaj napisal o Franu Galoviću makar on za nas Podravce znači jako puno. Tolko je desetleča tu kraj nas i siguran sam da zavređuje velku pažnju svih Podravci a posebno goričara našega kraja. Bum vam prenesel dio priče koju sam zapisal v mojoj knjigi „Ko to ne voli Podravce?“
„Velki razlog zakaj sam postal goričar je baš Franova poezija i atmosfera koju je v tim popevkama napravil. Moj je stari imal svojedobno gorice v Draganovcu, v tzv Piskačevom iliti Cipelovom jarku, morti samo petsto metri zračne linije od Galovićeve kleti, al ih je prodal taman dok sam ja krenul na faks. V tim našim goricama baš ko klinac i nisam preveč užival i to z čist razumljivog razloga: bile su velke, kaj če reči bilo je puno posla, a nismo imali niti klet nego smo z usluge koristili goričke prostore pri našoj međašici Piskačini. Zapraf i ni bila prava međašica, jer je bila i dvestotinjak metri dalje od naših goric, al je v ono doba, dok ni bila klet na kleti kak danas, svaki svakoga zval međaš.
Pravu domaču klet sam počel osečati v Močilama pri mojem dedi Joški na Ivanjskim bregima i pri rođaku Dragecu čije su kleti bile baš onakve, z onakvim štihom, kak je to negda opisal naš veliki Fran. Onda nas je jemput, valda v prvom razredu gimnazije, naša profesorica i razrednica Božena Loborec otpelala do Galovićeve kleti i otkrila nam njegve prelepe stihove koji me prate i do današnjega dana. Kak je ona bila velki poklonik Galovićeve poezije, bila je jako tužna jer su nekakvi čudni ljudi par dana prije zrušili njegvoga kostanja. Dopelala nas je do toga panja, brojila je godove i nafčila nas kak se odredi starost posečenoga drveta. Naravno da nam je i odrecitirala predivnu popevku „Kostanj“ koja je za navek ostala v mojemu vuhu. Ovak vam ide početak:
Prijatel moj stari, zakaj tak šumiš?
Kesno je i noč je, zakaj vre ne spiš?...
Dok ovih dana beremo kostanje furt mi zvoniju baš ti stihovi morti i nekaj najlepše od našega Frana. Ne sečam se kad sam ja nabavil njegvu zbirku“Z mojih bregov“,koja stalno stoji na mojem nočnome ormariču, al se sečam da je od navek bila v goricama mojega kuma Fjake. Bezbroj put je poslužila mnogobrojnim recitatorima i „recitatorima“ da odrecitiraju po koju pesmicu onak kak su oni to osečali. Dobro se sečam da je Galovića vu Fjakinoj kleti svojevremeno pokušal neuspešno recitirati Tonko Maroević, naš poznati akademik, al verujte da Dalmatinec nemre savladati ovu našu kajkavštinu. Jemput je to pokušal i legendarni zagrebački glumac Drago Krča al ni njemu to ni baš uspelo. Pravoga Galovića smo osečali bezbroj put samo v interpretaciji našega Koprivničanca Joške Gudića. Kak dugogodišnji kazališni čovek, Brežančan i takoreći Galovićev međaš znal je izgovoriti svaku reč baš onak kak je to Galović i zapisal. Njegov Kostanj je svaki put bil muzika za vuho a onaj pak stih „Jen debeli mravec plazi s trsa na brajdaš“ z pesmice „V trsju“ me letima prati. Kak god zemete naš nas je Peterančan Fran zadužil za navek. Svako doba leta je dobilo mesta v njegvoj zbirki al baš nekak ovo jesensko vreme je pravo vreme za osetiti Galovića. Ak poznate i samo jednu njegvu pesmicu bute mam v ovim slikama jesenske prirode prepoznali Galovićevu veličinu. Berbe, prešanje, druženje kraj vatre i pečenje kostanja, uživanje v moštu i bojama jeseni je odavno prepoznato i zapisano vu neponovljivoj zbirki „Z mojih bregov“. Svi oni koji več uspešno letima organiziraju v Koprivnici „Galovićeve večeri“ zaslužuju sve pohvale za stvaranje jedne lepe tradicije pisanja kajkavske poezije.
Štel bi vam od tolko prekrasnih stihova zbrati samo delove jedne prigodne pesmice baš nekak za ovo jesensko vreme. Nadam se da buju ovo razmeli i oni kaj z kajkavskim baš nisu doma.
Jesenski veter
Najempot, naglo, kak da bi kaj zrušil,
V noči se je odnekod k nam zabušil
I obišel je klet,
Ves raspotan i spet,
Zaletel se je, stal,
Kam dale? Neje znal…
………………………
Mir je v kleti,
temno sveti
Lampica. Mošt nam curi
V čeber. Kočnica skeči.
Prešpan pritišče
Grozdje i stišče.
……………….
Striček popeva,
Peč se razgreva…
Za čas nazaj nas veter zbudi.
Galović se nebu nigda više ponovil, za nas je Podravce on besmrtan i tim je više zaslužil svu pažnju nas stareših goričara. Ko zna kaj bi nam Fran još podaril da ga ni zadesila zla sudbina i zalutali metak vu strahotama Prvoga svetskoga rata.
Nek mi Fran oprosti kaj ne spominjem njegvu štokavsku poeziju i prozu al nekak mi je njegva kajkavska poezija ostala zanavek v srcu kak i svim drugim Podravcima i kajkavcima koji su bar jemput osetili kakvu staru podravsku klet i čar podravskih bregi.
Nadam se da buju i mladi naraštaji znali ceniti velkoga Frana i održavati njegvu prevrednu ostavštinu.“
I da se vrnem na početak ove priče o ophodnji od kleti do kleti po Galovićevom bregu. Nekak se kak stari goričar nadam da se bu v letima pred nama znali sve to pretvoriti v jednu lepu gastronomsku podravsku priču. Najte mi zameriti kaj furt spominjem podravsku gastronomiju al verujte da se tu ima još jako puno toga napraviti. Da sam nekaj mlađi verujte da bi i svoju klet rado pretvoril v jedan mali kutak z podravskim delicijama. Đuro i ja bi bili dobri domačini.
Umorni veterani moraju malo predahnuti z gemištom
Prošli sam tjedan v petek imal berbu pa vam ju bum z kratkom pričom a jelovnik ste več mogli videti.
Pondelek
Juha/Glavno jelo: Čušpajz od tikve z ostanjkima pečenja od vikenda
Desert: Čaša dve mladoga mošta koj je još navek slatki
Tork
Juha: Prežgana juha z krutonima
Glavno jelo: Mesna pita, mešana šalata
Desert: Grožđe; posle berbe težaki su dobili po vrečicu mešanih zobatica a ostalo bumo pozobali mi doma.
Sreda
Juha: Jedna Podravkina z vrečice
Glavno jelo: Jetrica na naglo, pomfrti, ajvar
Desert: Sok od jabuka
Četrtek
Juha/Glavno jelo: Vinski gulaš od junečega bočinga
Desert: Pogačice sirom
Petek
Juha/Glavno jelo: Fišpaprikaš z domačim rezancima
Desert: Samo gemišt ili čaša domačega vina
Subota
Danas bumo v berbi kod mojega kolege Đure i njegvoga brata Borisa pa nemrem baš utjecati na jelovnik. V jedno sam siguran: Boris dela odlične špek-fileke za gablec a za ostalo bu zadužena gazdarica Zdenka.
Nedela
Mislim da si bumo napravili jedan skromni za dvoje
Juha: Juha od goveđega repa z grisknedlima
Glavno jelo: Kuhani goveđi rep z sosom od češnjaka, pire Desert: Pita od jabuki, kapučino
:(Još nema komentara