A kaj da danas kuham? (526)

Francuski obed na Starom brežancu

Naš je bend sviral v Zelenoj laguni a jen drugi zagrebački band vu Picalu. A znate da se muzikanti rado družiju i pripovedaju o koječemu pa naravno i o hrani. V ono vreme su muzikanti bili jako dobro plačeni ali iz meni nepoznatih razloga često su imali tzv personalnu hranu koja je bila nekaj slabeša od one za goste. Pical je pak muzikante tretiral kak i sve druge goste pa su nam naši prijatelji znali ispripovedati kojekakve hvalospeve o tome kak se oni hrane.

Glavna je pak stvar bila v ovome: za obed se dobilo predjelo, pa glavno jelo, desert i čaša vina?! Večera je pak počela z juhom, pa glavno jelo, pa desert pa opet čaša vina. Baš zbog te hrane mnogi su zagrebački bendovi čekali tu gažu kak glavni zgoditak na lutriji. I mene vam je to jako vleklo al nažalost od gaže v Picalu ni bilo ništ. Onda sam mojoj bivšoj obečaval da bumo otišli vu Francusku ali ni to ni uspelo. Prije sam se razišel nego otišel do Pariza. No ko čeka taj dočeka.

Priča vam je ovakva.Moja vam sestrčna Zvjezdana ima još jednoga bratiča, koj se takaj zove Ivan a i njega zovu Braco. Taj vam je čovek kak klinac, pa kak mladič, igral jako uspešno stolni tenis za Vjesnik vu generaciji Stipančića i Šurbeka. Onda je otišel vu Francusku još malo igrati pingič da bi onda ostal tam za navek. Posle aktivnoga igranja bil je profesionalni trener i tak do penzije. Priča je poznata. Tam je našel curu, pa se je z njom oženil, osnoval obitelj i zanavek ostal tam. Znate kak to ide: od kud ti je žena od tud si i ti. No veze z Lepom Našom su ostale. Ni ga je dugo bilo i onda je došel eto več drugi put baš  za vreme ove nesretne korone. Najprije je obišel malo Jadrana i onda posetil sestričnu v Koprivnici. Dok je bil  tu prošle jeseni malo smo se družili v goricama i onda je obečal da bu drugi put v Koprivnici napravil francuskoga obeda. I tak je bilo. Ovaj put je došel i ze svojom  ženicom Noelin pa su združenim snagama napravili francuski obed kojega vam bum predstavil onak kak su to oni nama zrecitirali. Još k tome bilo je Telovo iliti Brašančevo pa je to sve skup bila prava prilika za tak nekaj. Da slučajno ne pogrešim bum sve prenesel kak su to oni zapisali na francuskom. Ja znam samo par francuskih viceva koji nisu za ovu kolumnu.

PREDJELO (aperitif)

Prvo:

• rolade od lisnatog tijesta (roules)
• pesto i mozzarella
• hrenovka i mozzarella
• pistacijo (pistaches)
• sušena kobasica (saucisson releve)
• indijski oraščić (noix de cojou)

Drugo:

• Avocado i kozice, coctail umak (avocat aux crevettes , sauce cocktail)
• Champagne rosé

E sad vam to moram malo prokomentirati. Uputa je bila “stroga”. Sve kaj ste vidli v prvom predjelu smeli smo zeti samo po jen zalogaj?! Mam sam se setil mojeg dragog pajdaša Čvrknje koj je jemput rekel:”Kak bum pil malo ak mi je dobro?” Malo sam se prešvercal pa sam zel koj zalogaj više a mislim da su i drugi za stolom malo “varali”. Prema drugom sam predjelu bil malo skeptičan jer mi se činilo da avokado i kozice baš i nejdu skupa al sam se prevaril. Bilo je jako ukusno samo je toga bilo za tri zalogaja. Sve v svemu na to je dobro legel i rozni šampanjac makar mi je bil malo prejaki. Al kaj ja imam prigovarati ak je to francuski jelovnik. Pak nismo v Draganovcu.

GLAVNO JELO  ( Plat principal )

• Teletina sa povrćem i šampinjonima v umaku od putera

i vrhnja (Blanquette de veau et légumes)

• Riža

Pak moram malo prokomentirati glavno jelo. Bilo je dobro al znate vi Podravca. Mam sam posegnul za solenkom jer mi se činilo jelo malo lepršavo. Naravno da sam malo i poprpril.

DESERT

• Plata sa sirevima ( Plateau de fromages brie, camembert, tomme de brebis i mali chevre)
• Tart Tatin  sa sladoledom 
• Espreso

Verojatno ste pogodili da nisam navalil na sladoled ali sam probal sve vrste sira. Makar nisam baš zaljubljen v sireve navek sam znal v restoranu naručiti malo sira jer nekak je čaša vina navek jako pasala posle falačeca sira. A znate koga sam se mam setil? Na mojega kuma Fjaku. Taj je znal uživati v siru.

*Slika 1: Blanquette de veau et légumes;

Sl 2: Avocat aux crevettes, sauce cocktail

Znate kaj me začudilo v jelovniku kojega su mi naši Francuzi zapisali. V desertu ni bilo zapisano vino. Pili smo crno vino, sorte se ne sečam, al moram priznati da je bilo fakat jako. To se nemre i nesme piti kak gemišt. Nekak sam očekival da bu za kraj svega nekakav dežestiv al domačin to ni predvidel. Naime Braco kak iskusni sportaš i inače ne pije a ima probleme z cukorom. Sve v svemu francuski je obed uspel i na Starom brežancu.  

Onak samo usput. Ostale dane su Zvjezdana i Jelena pripremale isključivo našu domaču podravsku papicu i da ne poverujete: Francuzima je bio sve jako dobro. Dapače.

Moja raneša “francuska” iskustva

Kak imam dost let bum vam rekel nekaj di sam se ja sretal z nekim francuskim delicijama.

Dok sam tam iza rata bil v Njemačkoj na učenju jezika z menom je bil Francuz Žak koj je sebom donesel par flaši bužuleja. Bili smo tam nekak v jesen taman dok mu je bilo pravo vreme za konzumaciju. No moram vam iskreno reči da bužule nije ništ bolši od našega portugisca. Makar bil i od mojeg pajdaša Tonča. Dežestiv sam znal pak popiti v nekojim finim restoranima. Tak se sečam da smo v umaškom restoranu “Kod Mira” kak dobri gosti navek bili posle obeda posluženi z courvuazjeom i to v posebnoj prostoriji z prigodnim video programom. Moj mi je pak pajdaš Bobo prije večere navek kak aperitiv ponudil “unučiča” z Martelom. Ima jedna stara anegdota koju verujem i vi znate. Dok su se našu ljudi šteli malo napraviti važni nudili bi svojim gostima “pravi francuski konjak”. Zapraf su vu flašu konjaka koju su negda dobili na poklon i več odavno popili, furt dosipavali domačega brendija, a gosti su bili zadovoljni kaj pijeju tak fino piče.

Dok su v pitanju francuska vina ima jedna priča koja je navodno istinita. Veliju da Francuzi piju pretežno crna vina za vreme obroka, ali naravno i v drugim prilikama, a kakti posledica toga je da oni nemaju zakrečenje krvnih žila. Neznam kaj buju na to rekli Podravci obzirom da mi uglavnom pijemo belo vino. Nadam se da i naša vina imaju nekakvo lekovito djelovanje. Moramo to ispitati. 

Baget i croasane su se pri nama več odavno udomačili dok nismo ni znali da su to izvorno francuski proizvodi. Mi i danas onoga dugačkoga kruha zovemo “francuz” kojega rado kupim dok imam za predjelo nekaj za namazati. Dok se onak lepo v koso nareže i malo stosta, morete deti bilo koji namaz: od sira, od graha, paštetu ili običnu svinjsku mast.

Ima pak nekaj francusko kaj nam je več odavno poznato: muzika. Evo dok ovo pišem da bum nekak v tom “francuskom ugođaju” celo vreme slušam jedan CD z najpoznatijim pjevačima i melodijama.Tu su Edith Piaf, Gilbert Becaud, Yves Montand, Charlec Aznavour i drugi.

Sad si morti mislite kak bum ovaj tjedan imal i francuski jelovnik? Ni govora. Ostal bum v Podravini.

Pondelek

Juha: Prežgana juha

Glavno jelo: Kajgana na špeku, zelena šalata

Desert: Kak i navek: kolač od jučer

Tork

Juha/Glavno jelo: Čušpajz od poriluka ze suhim mesom ili faširancima

Desert: Palačinke z čokoladom

Sreda

Juha:Juha od graška i mlade mrkvice

Glavno jelo: Pileči rižoto, sezonska šalata

Desert: Jagode šlagom

Četrtek

Juha: Krem juha od karfiola

Glavno jelo: Musaka od krumpira, mešana šalata

Desert: Rolada od biskvita z pekmezom

Petek

Juha: Juha od ribljih glavi i povrčem

Glavno jelo: Pastrve na „tročanski“, mešano kuhano povrče; pastrve sam prerezal na pol i uvaljal ih vu smesu kuruznoga brašna i začina

Desert: Nejde bez čaše vina

Subota

Subota mi je navek sporna. Ak bu lepo vreme bum to rešil v goricama z roštiljom

Predjelo: Zvadim ze škrinje koj par kobasi, malo špeka, dva-tri paradajza i mladoga luka a Đuro speče klipiče

Glavno jelo/roštilj: Osim klasike, čvapi, ražnjiči i vratina v zadnje vreme mi posebno pašu bogata dobro začinjena svinjska rebra; v zadnje se vreme nekak pod normalno mesto kruha ponude lepinje.

Desert: Vele ljudi da z roštiljom jako paše piva. Predlažem gemišt. To su ipak gorice.

Nedela

Juha: Janječa juha z rezancima

Glavno jelo: Kuhana janjetina, šalša, kuhani krumpir

Desert: Princez krafli